ABDULLA QAHHOR “QO’SHCHINOR CHIROQLARI” ROMANIDA FRAZEOLOGIZMLARNING QO’LLANILISHI

Annotatsiya

O’z asarlarida muxtasar so’zdan haqiqiy mo’jiza yarata oladigan ijodkor Abdulla Qahhor romanlarini o’qir ekanmiz, biz singari kitobxonning butun diqqat e’tiborini o’z ijodiga “qorib”, asar hayotidagi hayolotlar ummoniga g’arq qiladi. Xuddiki adib ilhom onlarida o’quvchini sehrlashni maqsad qilgandek. Yozuvchi ijodida adabiy tilning butun imkoniyatlaridan samarali foydalangan, so’zni buyuk bilib uni qadrlagan , shu bois asarlari o’ta ta’sirchan , hamda o’qimishli.  “Badiiy mahorat so’zni qadrlay bilish, uning mo’jizasini his etish, uni e’zozlash va ulug’lashdan boshlanadi… Ijod mahsulining boqiyligi ham, o’tkinchiligi ham shu asnoda hal bo’ladi” –deydi yozuvchi Xurshid Do’stmuhammad.